МЭНДЧИЛГЭЭ
Эрхэм хүндэт эрдэмтэн багш, оюутан залуучууд, харилцагч байгууллагын хамт олон та бүхэндээ 2026 оны ГАЛ МОРИН ЖИЛИЙН мэндийг хүргэн, шинэ ондоо амар амгалан, буянтай байхын өлзийтэй ерөөлийг өргөн дэвшүүлье.
Дэлхийн шилдэг их сургуулиудын нэг болох зорилтын хүрээнд Анагаахын шинжлэх ухааны үндэсний их сургууль нь Дэлхийд 1200 орчимд эрэмбэлэгдэж байна. Энэ хүрээнд бид ч гэсэн “ДЭЛХИЙН ЖИШИГТ НИЙЦСЭН ЧАДВАРЛАГ МЭРГЭЖИЛТЭН БЭЛТГЭНЭ” алсын хараатай үйл ажиллагаагаа явуулж байгаа билээ.
Монгол Улсын Боловсролын яамнаас 2026 оныг Боловсролын дэмжих жил болгосонтой холбогдуулан СУРГАЛТЫН ЧАНАР-АХИЦ ДЭВШИЛ зорилтыг дэвшүүлэн ажиллаж байна.
Бид өнөөгийн анагаах ухааны боловсролын хөгжлийн чиг хандлагад нийцүүлэн
- Хамтын, нээлттэй, цахим засаглал
- Бодит сургалтын хөтөлбөрт тулгуурлах;
- Үр дүнд буюу чадамжид суурилсан боловсрол олгох;
- Багшийн хөгжлийн төлөвлөлт, хөтөлбөрийн хэрэгжилт
- Оюутны хөгжил, суралцахуйг дэмжих
- Дасан зохицох хөтөлбөрийг хэрэгжүүлэх;
- Дагах эмнэл зүйн сургалтыг явуулах;
- Сургалтын эгэх холбоог сайжруулах;
- Илүү өргөн хамтын ажиллагааг бий болгох;
- Нэгдсэн менежментийн тогтолцоог нэвтрүүлэх, хэрэгжүүлэх
- Оюутан хамтрагч байх;
- Сургалтын болон багшийн ажлын үнэ цэнийг хүлээн зөвшөөрүүлэх, таниулах, сурталчлах шийдлүүдийг бид дэмжин ажиллах болно.
Дэлхийн жишигт нийцсэн чадварлаг мэргэжилтэнг бэлтгэхийн тулд багш, оюутны ‘хамтын ажиллагааг’ шинэ шатанд гаргах хэрэгтэй юм.
ЭВ ЭЕИЙГ ЭРХЭМЛЭН, ЭРЧ ХҮЧ, ЭРДЭМ УХААНЫГ ДЭЭДЛЭН, ХӨГЖЛИЙН ТӨЛӨӨ ХАМТДАА АЛХАХЫГ УРИАЛЖ САЙН САЙХАН БҮХНИЙГ ХҮСЬЕ.
ЭРҮҮЛ ИРЭЭДҮЙГ ХАМТДАА БҮТЭЭЕ.