Дэлхийн стандартын өдөр, Дархан хот байгуулагдсан өдрийг угтаж, Тогтвортой хөгжлийн "Илүү сайхан дэлхийн төлөө" хамтын зорилгын хүрээнд Дархан-Уул аймгийн Засаг Даргын Тамгын Газар, Дархан-Уул аймгийн Стандарт, Хэмжил зүйн хэлтэс, АШУҮИС-ийн Дархан-Уул аймаг салбар Анагаах ухааны сургууль хамтран шинээр элсэгч оюутан, залуучуудад чанарын менежментийн тогтолцооны ISO 9001:2015, байгаль орчны менежментийн тогтолцооны ISO 14001:2015 стандартуудын талаар нэгдсэн ойлголт өгөх зорилгоор "Стандартын тухай ерөнхий ойлголт" сэдэвт сургалтыг 2024 оны 10-р сарын 16-нд зохион байгууллаа.
Сургалтад Дархан-Уул аймгийн Стандарт, Хэмжил зүйн хэлтсийг ахлах мэргэжилтэн Б.Баярбаатар оролцож “Стандартын тухай ерөнхий ойлголт” сэдвээр лекц уншиж, стандартын ач холбогдлын талаар дэлгэрэнгүй мэдээлэл өгч, оюутнуудын асуултад хариулан сонирхолтой хэлэлцүүлэг өрнүүллээ.
