Дархан-Уул аймгийн Засаг Даргын Тамгын Газар, Дархан-Уул аймгийн Цагдаагийн газар, Прокурорын газар, АШУҮИС-ийн Дархан-Уул аймаг дахь салбар Анагаах ухааны сургууль хамтран оюутан суралцагчдыг цахим гэмт хэргээс урьдчилан сэргийлэх, хуулийн талаар мэдлэг олгох сургалтыг 2025 оны 03 дугаар сарын 26-ны өдөр зохион байгууллаа.
Цахим гэмт хэргээс урьдчилан сэргийлэх арга зам, цахим гэмт хэргийн талаарх статистик үзүүлэлт, үр нөлөөний талаар Дархан-Уул аймгийн Цагдаагийн Газрын урьдчилсан сэргийлэх ажил хариуцсан ахлах мэргэжилтэн, ахмад Ж.Ган-Эрдэнэ, Монгол улсын хууль, Эрүүгийн хууль, Зөрчлийн тухай хуулийн талаар мэдлэг олгох сургалтыг Их Засаг их сургуулийн Дархан-Уул салбар сургуулийн захирал С.Пүрэврагчаа нар тус тус зохион байгууллаа. Сургалтад сургуулийн Оюутны зөвлөл, анагаахын суурь боловсрол, сувилахуй, эх барихуй, уламжлалт анагаах ухааны сувилахуй, эм найруулагч, лабораторийн техникч хөтөлбөрөөр суралцагч 120 гаруй оюутны төлөөлөл хамрагдлаа.
