Анагаахын шинжлэх ухааны үндэсний их сургуулийн Шинжлэх ухаан технологийн газраас Дэлхийн Шинжлэх ухааны өдөр, Монгол Улсын Шинжлэх ухааны ажилтны өдрийг тохиолдуулан их сургуулийн багш, судлаачдад зориулан 2 дахь жилдээ “ИННОВАЦ ШИНЭ ТЕХНОЛОГИ, ОЮУНЫ ӨМЧИЙН ӨДӨРЛӨГ”-ийг 2024 оны 11-р сарын 22-ны өдөр амжилттай зохион байгууллаа.
Тус өдөрлөгт АШУҮИС-ийн Дархан-Уул аймаг салбар Анагаах Ухааны Сургуулийн захирал Б.Баясгаланмөнх, ЭШМТА-ны дарга О.Отгонтогоо, ЗХНА-ны дарга Ц.Нандинсүрэн, НЭМ-УАУ-ны тэнхимийн эрхлэгч Г.Ууганцэцэг, захирлын туслах Т.Лхагвадорж нар тус сургуулийн эмийн ургамлын полигонд тарималжуулсан 6 төрлийн эмийн ургамал, эдгээр зарим эмийн ургамлаас гарган авсан “Артишок” цай, Хатаасан хар манжин, Кориандрын эфирийн тос, судлаач О.Отгонтогоогийн “Хонины сүүлний тостой Шимт барианы тос”, тус сургуулийн төгсөгч, Япон хэлний орчуулагч М.Баяржаргал нарын Дархан-Уул аймагт хэрэгжүүлж буй “Ээжийгээ хайрлаарай” жирэмсэн ээжүүдэд зориулсан төсөл, багш Г.Ууганцэцэг нарын Дархан сумд хэрэгжүүлж буй “Бага насны хүүхдийг түлэгдэлтээс урьдчилан сэргийлэх төсөл” зэргийг танилцуулж, амжилттай оролцлоо.
Сургуулийн эмийн ургамлын полигонд тарималжуулсан ургамлын бүтээгдэхүүн, бэлдмэл нь тус сургуулийн захиргаа (Б.Баясгаланмөнх, Ц.Нандинсүрэн), эмийн ургамлын полигоны зөвлөх болон туслах ажилтнууд (П.Алтантуяа, О.Отгонбаяр, Н.Цоождорж), Инновацын зүгшрүүлэх төсөл – Багш нарын төсөл (Г.Ууганцэцэг, М.Оюун, А.Батзул, Э.Бямбасүрэн, П.Саруул, Э.Өнөбилэг, М.Нарантуяа, Ц.Адъяахатан), Оюутны төсөл (Удирдсан багш М.Оюун, Н.Баярмаа, оюутан Х.Нямцэцэг, Ц.Мөнх-Учрал, Б.Номин-Эрдэнэ, Б.Амин-Эрдэнэ, Н.Барсболд, А.Буяннэмэх, Т.Төгөлдөр, С.Бямбадэлгэр) – ийн үр дүн, хөдөлмөр бүтээлийн үр шим юм.
Цаашид тус өдөрлөг нь 2 жил тутамд зохион байгуулагдах ба дараагийн өдөрлөгт бүх багш, судлаачид маань бүтээлээр арвин оролцохын ерөөлийг өргөн дэвшүүлье!
