Дархан-Уул аймгийн Ерөнхий боловсролын 15, 4, 9, 30, 16, 1, 18, 31 дүгээр сургууль, Од цогцолбор сургууль, Оюуны ирээдүй цогцолбор сургуулийн 12 дугаар ангийн сурагчид 2025.03.24-нөөс 28-ны өдрүүдэд АШУҮИС-ийн Дархан-Уул аймаг дахь салбар Анагаах ухааны сургууль, сургалтын хөтөлбөр, элсэлт авах хөтөлбөрүүд, Монгол Улсын Засгийн Газрын 102-р тогтоол, сургалтын төлбөрийн хөнгөлөлт, Оюутан солилцоо хөтөлбөрийн талаар мэдээлэл авч, сургалтын орчин, материаллаг баазтай танилцаж байна.
Сурагчдын сургууль танилцах өртөөчилсөн аяллын хөтөч багшаар хичээлийн туслах ажилтан Б.Ариунболд, сувилахуйн хөтөлбөр, сургалтын орчны талаар сувилахуйн тэнхимийн багш Д.Отгонцэрэн, дадлагажигч багш О.Хажидмаа, эх барихуйн хөтөлбөр, сургалтын орчны талаар эмнэл зүйн тэнхимийн багш Ж.Номин-Эрдэнэ, Х.Мөнхчулуун, эм найруулагч, эм зүйчийн хөтөлбөрийг эмзүйн тэнхимийн дадлагажигч багш Л.Хулан, Х.Өлзийжаргал, Уламжлалт анагаахын сувилагч, Уламжлалт засал хөтөлбөрийг нийгмийн эрүүл мэнд, уламжлалт анагаах ухааны тэнхимийн дадлагажигч багш Б.Дуламсүрэн, багш А.Батзул, Хөдөлгөөн засал хөтөлбөрийг нийгмийн эрүүл мэнд, уламжлалт анагаах ухааны тэнхимийн дадлагажигч багш Л.Ганчимэг, Б.Баатархуяг, лабораторийн техникч хөтөлбөрийг анагаахын суурь боловсролын тэнхимийн дадлагажигч багш О.Оюунсүрэн, Б.Мишээл нар тус тус дэлгэрэнгүй тайлбарлаж сурталчилж байна.
Ахлах ангийн сурагчдад Франц улсын Мулан хотын Улаан загалмайн дэргэдэх Сувилахуйн сургуультай хамтран хэрэгжүүлдэг оюутан солилцоо хөтөлбөрийн талаар хөтөлбөрт хамрагдсан сувилахуйн 4-р дамжааны оюутан Ж.Урангуа, Япон улсын Жичи Анагаах ухааны сургуулийн Сувилахуйн сургуультай хамтран хэрэгжүүлдэг оюутан солилцоо хөтөлбөрийн талаар хөдөлгөөн заслын 3-р дамжааны оюутан Б.Халиун, Б.Алтанзул нар хүргэлээ.
Сургуулийн “Сайхан-Сэтгэл” эмнэлгийн сувилагч Ц.Номин-Эрдэнэ, лаборант З.Оюунтогтох нар ахлах ангийн сурагчдад эмнэлгийн талаар дэлгэрэнгүй мэдээлэл хүргэж, хүчилтөрөгчийн коктейль бэлтгэн үйлчилж байна. Сургуулийн оюутны зөвлөлийн дарга Б.Отгон-Өлзий, оюутны зөвлөлийн хамт олон, оюутны SORA клуб, Анагаах тун клуб, Сайхан-Сэтгэл клубийн хамт олон үйл ажиллагааныхаа талаар сурагчдад мэдээлэл хүргэж хамтран ажиллаж байна.
Мэргэжил сурталчлах үйл ажиллагаанд хамтран ажиллаж байгаа багш, ажилтан, албан хаагчид, оюутнууддаа баярлалаа.
МАНАЙ СУРГУУЛИЙГ ЗОРИН ИРСЭН НИЙТ СУРАГЧДАДАА ЭЛСЭЛТИЙН ЕРӨНХИЙ ШАЛГАЛТАД НЬ ӨНДӨР АМЖИЛТ ХҮСЬЕ.
