Анагаахын Шинжлэх Ухааны Үндэсний Их Сургуулийн Дархан-Уул аймаг салбар Анагаах Ухааны Сургуулийн багш, судлаачдын “Эрдмийн чуулган Дархан-2025” эрдэм шинжилгээний хурал 2025 оны 03-р сарын 26-ны өдөр амжилттай болж, шилдгүүдээ шалгарууллаа.
Шилдэг илтгэлээр:
• I байранд Ж.Номин-Эрдэнэ, Б.Дэжидмаа, Ч.Эрдэнэчимэг, Д.Мөнхцэцэг, Ч.Чимэдрагчаа нарын “Туршилтын амьтны умайн эргэн хөгжилд Шимшин-6 уламжлалт эмийн үзүүлсэн судалгааны зарим үр дүн” илтгэл
• II байранд Л.Ганчимэг, Б.Баатархуяг, Б.Баясгаланмөнх, Д.Нармандах нарын “Эрүүл насжилтад нөлөөлөх хүчин зүйлсийн судалгаа” илтгэл
• III байранд Д.Оюунцэцэг, Д.Отгонцэрэн нарын “Залуу насныхны амьдралын хэв маяг, артерийн даралт ихсэх өвчний өртөлтийн хамаарлыг тодорхойлох нь” илтгэл тус тус шалгарлаа.
Хурлын шүүгчээр АУ-ы доктор, дэд профессор Б.Баясгаланмөнх, Эм зүйн ухааны доктор, дэд профессор О.Отгонтогоо, Боловсрол судлалын доктор Б.Мэндхүү, Химийн ухааны доктор Ц.Нандинсүрэн, Боловсрол судлалын доктор Л.Ариунаа, Хэл шинжлэлийн ухааны доктор С.Одончимэг нар ажиллаа.
Хуралд илтгэлээ амжилттай хэлэлцүүлсэн нийт багш, судлаачдадаа болон “Шилдэг”-ээр шалгарсан багш нартаа халуун баяр хүргэж, цаашдын эрдэм судлалын ажилд нь өндөр амжилтыг хүсье!
