Дархан-Уул аймгийн ерөнхий боловсролын “Оюуны Ирээдүй” цогцолбор сургуулийн хими, биологийн хичээл сонгон судалж байгаа ахлах ангийн сурагчдад зориулсан “АНАГААХЫН ХИМИ-БИОЛОГИ”-ийн туршилтад нээлттэй хичээлийг АШУҮИС-ийн Дархан-Уул аймаг дахь салбар Анагаах ухааны сургуулийн суурь шинжлэх ухааны тэнхим, сургалтын алба, Оюуны Ирээдүйн сургуулийн химийн багш нартай хамтран 2025 оны 03 дугаар сарын 27-ны өдөр тус сургууль дээр зохион байгууллаа.
“Химийн шинжлэх ухаан Анагаах ухаанд” сэдвээр багш Б.Хонгорзул, “Хүний бие дэх буфер уусмалын шинж чанар, ач холбогдол” сэдвээр дадлагажигч багш З.Баттунгалаг, “Биологийн шинжлэх ухаан Анагаах ухаанд”, “Эсийн бүтэц, хэлбэр хэмжээ” сэдвээр ахлах багш, доктор М.Оюун нар нээлттэй туршилтад хичээлийг чиглүүлэн явууллаа. Тус хичээлд Оюуны Ирээдүйн цогцолбор сургуулийн хими, биологийн хичээл сонгон судалж байгаа 60 сурагч, хими-биологийн секцийн химийн багш Ц.Батцацрал, Ч.Өлзийхүү, П.Нямаа, Д.Гэрэлхүү, Ю.Юмчиндулам багш нар оролцлоо.
Хамтарсан туршилтад хичээлийг зохион байгуулсан багш нартаа талархал илэрхийлье.
Хичээлд оролцсон сурагчдадаа сурлагын өндөр амжилт хүсье.
