Сувилахуйн салбарыг үндэслэгч Флоренс Найтингейлийн төрсөн өдрийг тохиолдуулан жил бүрийн 5-р сарын 12-ны өдрийг Олон улсын сувилагчдын баярын өдөр болгон тэмдэглэж ирсэн билээ. Дархан-Уул аймгийн Анагаах Ухааны сургууль энэ өдөр сувилахуйн оюутнуудаа дадлагад гарахад нь ёслол хүндэтгэлтэйгээр үдэн гаргаж өгдөг “Цагаан малгайн ёслол”-ыг уламжлал болгон тэмдэглэж иржээ.
Улмаар ГЭЙТВЭЙ КАРЬЕР КОНСАЛТИНГ ХХК-тай Хамтран ажиллах тухай санамж бичигт гарын үсэг зурсан бөгөөд хамтын ажиллагааны хүрээнд талууд Дархан АУС-ийн төгсөлтийн өмнөх сувилахуй, эх барихуй, уламжлалт анагаахын сувилагч, сувилахуй шаталсан хөтөлбөрөөр суралцагчдыг дэмжих, хөгжүүлэх, урамшуулах замаар Монгол улсын сувилахуйн салбарын хөгжилд хувь нэмэр оруулах, сувилагч мэргэжлийн нэр хүнд, үнэ цэнийг нийгэм, олон нийтийн дунд нэмэгдүүлэх, таниулах чиглэлд хамтран ажиллахаар боллоо. Мөн төгсөх курсийн оюутнуудад дадлага хийх хугацаанд нь тэтгэлэг олгох, сувилахуйн багш нарыг ХБНГУ-д урт, богино хугацаанд мэргэжил дээшлүүлэх, харилцан туршлага солилцох боломжоор хангах зэрэг ажлуудыг 2023-2024 оны хичээлийн жилээс хамтран хэрэгжүүлэхээр боллоо.
