АШУҮИС-ийн Дархан-Уул аймаг дахь салбар Анагаах ухааны сургуулиас уламжлал болгон зохион байгуулагддаг “АЖИЛ ОЛГОГЧ-ТӨГСӨГЧДИЙН УУЛЗАЛТ” 2024 оны 05-р сарын 03-ны өдөр зохион байгуулагдаж Улсын Нэгдүгээр төв, Улсын Хоёрдугаар төв эмнэлэг, П.Н.Шастины нэрэмжит улсын Гуравдугаар төв эмнэлэг, Гэмтэл судлалын үндэсний төв, Эх нярай эмэгтэйчүүдийн үндэсний төв, Дархан-Уул, Сэлэнгэ, Төв аймгийн Нэгдсэн эмнэлэг, Орхон аймгийн Бүсийн оношилгоо эмчилгээний төв, Дөрөвдүгээр эмнэлэг, Эх нярай эмэгтэйчүүдийн үндэсний төв, Цэргийн төв эмнэлэг, Интермед, Эрдэнэт Медикал, Мөнгөн-Гүүр, Асгатын дов, Дархан Цанид, Дархан-Үйлс зэрэг 20 гаруй ажил олгогч байгууллагуудын 42 төлөөлөл оролцлоо.
Үйл ажиллагааны хүрээнд сургуулийн удирдлага, ажил олгогч байгууллагуудын төлөөлөл оролцсон “Сургалтын хөтөлбөр-Ажил олгогчдын оролцоо” хэлэлцүүлэг зохион байгуулагдаж сургууль байгууллагын тогтвортой хамтын ажиллагаа, төгсөгчдийн ур чадвар, ажил олгогчдын хэрэгцээ шаардлага, төгсөгч-сургуулийн эргэх холбоо, хамтран ажиллах боломжууд сэдвээр хэлэлцүүлэг өрнүүлж хамтын ажиллагааны гэрээг шинэчлэн байгууллаа.
2023-2024 оны хичээлийн жилд тус сургуулийг төгсөх 240 төгсөгчидтэй ажил олгогч байгууллагуудын төлөөлөл уулзаж байгууллагын танилцуулга хийж, ажилд орох хүсэлт гаргасан төгсөгчидтэй ганцаарчилсан болон бүлгийн ярилцлага зохион байгууллаа.
