Сувилахуйн шинжлэх ухааныг үндэслэгч Флоренс Найтингелийн онол, үзэл баримтлал, үйл хэргийг залгамжлан суралцаж байгаа оюутнуудыг сувилагч мэргэжлийнхээ үнэ цэнийг мэдэрч, нинжин сэтгэл хайр халамжийг мэргэжлийнхээ үндсэн мөн чанар болгон, сахилга бат хариуцлагыг чанд сахин, ёс зүйг эрхэмлэсэн мэргэжилтэн болгох, сувилагч мэргэжлээрээ бахархах, үйлчлүүлэгчдэд чин сэтгэлээсээ туслах, хандлагыг төлөвшүүлэх зорилготой “CAPPING AND PINNING CEREMONY” үйл ажиллагаа нь 2024 оны 09 дүгээр сарын 24-ны өдөр зохион байгууллагдлаа. Тус үйл ажиллагаанд Сувилахуй, Сувилагч хөтөлбөрөөр суралцагч 98 оюутан оролцож, цагаан малгай өмсөж, лаа асааж, оюутны тангараг өргөлөө.
“CAPPING AND PINNING CEREMONY” үйл ажиллагааг АШУҮИС-ийн Дархан-Уул аймаг дахь салбар Анагаах Ухааны сургуулийн Сувилахуйн тэнхим, Сургалтын алба, Дархан-Уул аймгийн Нэгдсэн эмнэлэгийн Сувилахуйн алба хамтран зохион байгуулсан бөгөөд энэхүү ёслолд Сувилахуйн тэнхимийн ахмад багш, клиникийн профессор, дэд профессор Х.Амаржаргал болон Нэгдсэн эмнэлэгийн Сувилахуйн албаны төлөөлөл урилгаар оролцож, СУВИЛАГЧ мэргэжлээр суралцаж буй оюутнууддаа амжилт хүсч, мэндчилгээ дэвшүүллээ.
