Дэлхийн хэрэглэгчийн эрхийг хамгаалах өдрийг тохиолдуулан Олон Улсын Стандартын Академиас санаачилан боловсролын байгууллагын менежментийн тогтолцооны ISO 21001:2025 олон улсын стандартыг хэрэгжүүлэх сайн туршлага, инновац, байгууллагын соёл, шийдлүүдийг хуваалцах, харилцан суралцах орчныг бүрдүүлэх зорилготой хэлэлцүүлэг 2026 оны 03-р сарын 30-ны өдөр Шинжлэх Ухаан Технологийн Сургуулийн хурлын зааланд зохион байгуулагдав. Тус хэлэлцүүлгээр олон улсын стандартыг үйл ажиллагаандаа хэрэгжүүлэгч Монгол Улсын Их Сургууль, Монгол Улсын Боловсролын Их Сургууль, Эм Зүйн Шинжлэх Ухааны Их Сургууль, Шинжлэх Ухаан Технологийн Их Сургууль, Шихихутаг их сургуулийн төлөөлөгчид оролцож сайн туршлагаа хуваалцлаа.
Тус хэлэлцүүлэгт Анагаахын Шинжлэх Ухааны Үндэсний Их Сургуулийн Хөтөлбөрийн чанар, Цахим сургалтын албаны дарга Б.Чойням, Био-Анагаахын сургуулийн багш, доктор, дэд профессор О.Болорсайхан болон Дархан-Уул аймаг дахь салбар Анагаах ухааны сургуулийн төлөөлөл оролцлоо.
